ارحــــــــلي

[فارس القوافي]

لو عرفتــــــي شي فيني ماتركتــــيني وحيد = لو دريتي وش بقــــلبي كان جـيتي عانيه
كان ودك تعرفيني فاسمــــــعي نبض الوريد = امسكي بكفك عظامي والجروح الـعاريه
آه ياحزن الصــــــحاري زيد في قلبي وزيد = احرق الروح الحزينه والغصون الظـاميه
موت ياحبٍ زرعته موت في صدري شهيد = قبرك القلب وترابك من ضلوعي الحانيه
خلّني المس وجودك منت في قلـبي فقيد = الشهيد يعــــيش دايم في جــــــنانٍ عاليه
غطرفي سود الليالي وانـــــشدي بحلا نشيد = واقلبي الظلـــــمات نورٍ وارحلي ياقاسيه
ما يهمّ آعــــيش قربك..مايهم ابقى بــعيد = مايــــهمّ انك تـــكوني في حيـــــاتي باقيه
المهم الحـــــب يبـــــقى امّا غـــيره ما اريد = ما أريد احساس ميّت في قلوبٍ خــــاويه
ارحلي وش عاد باقي تســـــمعينه؟ ثمّ اعيد = ارحلي ماغاب حبــــّك لكن انتي فانـــيه
اذرفي للشوق عبره وانظـــــمي فيها قصيد = واحرقي بيض الرسايل بالدموع الـكاويه
انكسر ضعفي وصاحت قسوتي وين الجليد = وارتفع صوتي ونادى للعــــــيون الباكيه
جمّدي نهر العواطف وافرحي ذالــيوم عيد = مات كلّ الشوق يمّه والمــــــشاعر خاليه