تاج الرزانه

[عبدالله الشويمان]

الزمن ياصاحبي صعـبٍ ضمـانه=علقمه غطى علـى تينـه وتوتـه
تهت في ناسه وفي سيـرة زمانـه=تيهت الغـواص لاخطـا جيلبوتـه
وسط بحـرٍ زايـدٍ فـي عنفوانـه=وعن نجاته حاصره موجه وحوتـه
والكلام المختصر فـي ترجمانـه=يوم شعري خصك انته في بيوتـه
اشهدٍ إن الـي ملـك تـاج الرزانـه=مايبيله نعت واضـح فـي نعوتـه
رافعٍ ربي مع اهل الطيـب شانـه=ماختلف لو الزمن يخلـف وقوتـه
من خلقه الله مكانـه هـو مكانـه=ثابـتِ وصلـه معززلـه ثبوتـه
مانعٍ ربي عن الهزلـه حصانـه=مع بخوت الناس عاليـتٍ بخوتـه
وطيبة الرجال من طيـب البطانـه=لو ما ياجـد ثمـن شربـه وقوتـه
وعكسه اللي عشره تساوي ثمانـه=وعزمه اضعف من خيوط العنكبوته
خايـبٍ باليـه ربــي بالسكـانـه=ان هرج ولا بعـد طـول سكوتـه
بيـنٍ لوحـاول يخـفـي بيـانـه=في سجلات الرداء تقـراء كروتـه
به نفاق وبه فسـوق وبـه عفانـه=وبالكرم محدٍ سمع صيته وصوتـه
كل <ضـولٍ > فيه يشعبلـه حصانـه=والمجالـس كـل حـزه ماتفوتـه
مطلقٍ في غيبـة المسلـم لسانـه=يالله تبشـر هـل الدنيـا بمـوتـه
وبالختام الوقت كايد فـي ضمانـه=والتجارب مدرسـه والعقـل نوتـه

صح السانك يا اخ مناحي

قصيده جزله من شاعر جزل

لا هنت لا هنت