كان انته احمد فانت امير القوافي

[احمد الجريفاني]

قلبي سبنه مرهفات الغدافي=ماهو على كيفي خذنه نهابه
تحاشكني ليل والنور طافي=وبدن يحاكني بلطف وحبابه
حلو(ن) نباهن مترفاتن لطافي=كثر الخدم زود حلاهن مهابه
قالت حداهن باين انك سنافي=الشخص هذا مين حضرة جنابه؟
كان انته (احمد) فانت امير القوافي=اسمك يلعلع ما حسبنا حسابه
دوك الرقم وان كان ماهو بكافي=ابشر بعزك يا مضيع شبابه
قلت اخبريني وش نهاية مطافي=طايح بكنز او تايه بوسط غابه
قالت غزلنا نتقنه باحترافي=غزلان شكل وبا الملاقى ذيابه
من ما يطاوعنا نسميه هافي=يمسك محله من جلس با الانابه
واصبحت انا منهوب رغم العوافي=وقت الخطر كل النتايج تشابه
حكي الغواني لو يجي حيل دافي=ما يستطيع يزيل عنك الكآبه
حتى لو انك شخص جايع وحافي=ولا تميز بين ماه وسرابه
ما يدرن ان الحس يمكن خرافي=وان التوضي ما يزيل الجنابه