عابر طريق

[حمود السكراني]

من سقيته كأس حبك مايفيق=
ولعترضته ماهو مرخي بنظره=
لاتعذر كنت في رفقة صديق =
الصديق إن شاف شيٍٍ يستره=
وحنا بين الناس وكلٍٍ له رفيق=
والمشاعر بالقلوب مستره=
اعتبرني بالهوى عابرطريق=
مر في بستان حسنك وابهره=
بان له بعد التعب غصنٍٍ وريق =
مرتوي واطراف فنه مثمرة=
فيه ظلٍٍ وارف وعشبٍ رقيق=
وداخله اشجار وردك مزهرة=
وقت صيف وجوها مثل الحريق=
وسط صحراء مانبت فيها اشجرة=
وانا قلبي يجذبه شم العبيق=
لافقيد إحساس ولاقلبي احجرة=
فرحتي فرحة يتيمٍٍ بالشقيق=
عنه صد ابوه لجل خاطر مرة=
إن سكت قالت لصمته مااطيق=
وان تكلم طالع ابوه وانهره=
اوسجينٍ من بعد سجنه طليق=
إن ظلم ثم جاله الحق وانصره=
بعد ماهو وسط سجنه مستضيق=
حاني الأقدام مرخي لظهره=
حلت الأقدام من القيد الوثيق=
ماهو بمصدق بمشيه يقدره=
ذاب قلبي بين زفيره والشهيق=
يابياض البرق مدري يحمره=
كل اشارة منك يتبعها بريق=
وكل نظرة منك تخطف لبصره=
مد حبل الوصل ماشوفه يعيق=
حط رجلك فوق جسره واعبره=
واعتبرني في بحر حبك غريق=
واعتبر نفسك المنقذ واظهره=
يارفيع الذوق والله مايليق=
أمتطي موجك ويقتلني ابحره=