حوووووووح

[اسير البدر]

قلبي تصبر وخل اللي مقفي يروح"="وانسى المواثيق وعهوده وماراح راح

وش جاك منه سوى هم وحفنة جروح"="يكفيك يكفيك بالله وانت ناقص جراح

ياقلب ناس مشاعرهم طباشير لوح"="رماد نار تذرّي به هبوب الرياح

ياقلب تكفى ترا مابعد ذا الروح روح"="تطرد مقفين مالك من وراهم صلاح

أدري تحبه وخفاقك بحبه يفوح"="وادري غلاه أرتمى في داخلك واستباح

وادري عيونك لما جا الليل قامت تنوح"="دمع جعل من محاجيرك لضوّه مراح

ياقلب خلك سمع قول العذول النصوح"="مايدري انه عدوٍلابس ثوب صاح

حلفت له بالذي رسّى على البحر نوح"="لافاد حلفي ولافاد البكا والصياح

ضحيت واعطيت ماني في المحبه شحوح"="واثري مثل من يسقّي نبتةٍفي بطاح

ياقلب وقف هنيّا وانتبه حوح حوح"="خط حمر ترتكز دونه سنون الرماح

الا المذله ترى ماني عليها سموح"="لا اعرف مفاهيم خلق الله ولا اعرف سماح

واضح معه من بداياتي تمام الوضوح"="حتى يدون سجل الحب صفحة كفاح

معطره بالوفا والمسك فيها يفوح"="من شاعر مااخلف طباعه زمن لنفتاح

وان كان شفتك على قربه بتاتي لحوح"="فالحل في مشرط الجراح قطع الجراح

ببدلك قلب لايعشق ولاله طموح "="الا بكسب المعالي في دروب الفلاح

ياقلب حبك يشيد فوق هام الصروح"=" رمز على جنب برج المملكه لك وشاح