إن لم تكن ذئب الفلا ولا كلتك ذيابهاا ..!

[عايض المقاطي]

مساكم / صبحكم الله الله بالخير :)



وعذرا لطول الغياب ..



من باب التوثيق والتواصل مع الصرح الشامخ .. الفطاحلة


والمكسب أن تنال الرضى ,,






..








بسم الله أبدا ربنا نعم الولي جل وتعال=الراحم اللي رحمته ما ينتغلق بابها
الواحد .! الفرد .! الصمد .! واللي له المسلم يسال .!=إله الثنا وإله الشكر كلمة وفا وأبدى بها
ثم آتنقى لا انحنت قدم العرب / صفر الدلال=فالدله اللي كيفها يلغي عمس شرابها
ويا أهل الشعر دام الشعر بين الهزايل والجزال=السلعه اللي ما تسر يشره على جلابها
وأنا ليا سقت القدم بين الخفايف والثقال=الكايده هي مطلبي والهينه ما أرضى بها
إليا نحت أنحت صخر .! إليا وردت آرد زلال=ويدلني قول العرب / عز اللحى بأشنابها
وأهل الفضا كل ليا منه كفخ جا له مجال=اطيور جو لا انهضت ضوى العشا مخلابها


وذا الليل ليله تختلف ما هي ولا كل الليال=من طيبها طير السعد يا أهل السعد غنى بها
حسن اجتماع اعلى النقا ومشاهد قروم الرجال=بنك الغناه اللي عطاته ما يحسب حسابها
يا مرحبا في مرحبا والفال يقفاه العقال=أقولها بإسم الرجال اللي تعز أصحابها
يا مرحبا عد البريق اللي تكاشف فالخيال=فالحله اللي بالوفا خط القلم فكتابها
في حلة أهل الطايله ربعي مداغيش العيال=قوم ولدنا لا نوى كسب الرفيعه جابها
آلاد مجنون / الكرم والمرجله وإليا استطال=راس الزمن شكره على ضرب الحدب وخضابها


أقولها وإله الشكر من مدد حبال الوصال=لين اجتمع شمل الشباب اللي قفى شيابها
وراع الوفا يلقى وفا كلمة كريمين السبال=حكمة عقل وإليا بدت راع اللزوم أولى بها

جمال..! لحظه من بعد فضلك على المنبر تعال=ولا استرح ..! والوافيه يمك بعن ركابها
تدري وش اللي عن وصايف حضرتك دايم يقال ..؟!=هي استمع عقب استوى لأم الفشق مضرابها
عند البدو ما للحمول الكايده غير الجمال=وأنته تقول اللي سكن مكه يعرف شعابها
يعني كذا ولا " كدا " باليعربي بضرب مثال=إن لم تكن ذئب الفلا ولا كلتك ذيابها
وأنته كما قيس الملوح فالوصايف والخصال=ليلى تموت ولا حظى غيرك بنص اعجابها ..!
مكه تحبك والغلا قصه قديمه لا تزال=تحكي بها أم القرى لجبالها وهضابها
تنفق يمينك ما درت عن مدها كف الشمال=يوم أكثر أهل المنفعه كبرت جيوب ثيابها
شكرا جمال أم القرى شكرا جمال الكرنفال=نارك ضوت بالمحتفل والنار من شبابها
ولأرض الوطن قبل العرب عنا يشدون الرحال=كلمة كتبها من كتب واللي قرا يقرا بها
المملكه هي دارنا وليا كفخ طير الظلال=يصبر على اللي ما يحيد عن الهدف مضرابها