النفس تتعب دايره في مللها

[عذب القوافي]

أبيات متواضعه سبق أن نشرت في قطرات أمل أن ترتقي لذوائقكم بعد إكمالها:

[/center]--(( النفس تتعب دايره في مللها ))--

النفس تتعـب دايرة فـي مللها=والطيب ممحل راحت سنينه عجاف
والمرجلة قامت تناقـص بأهلهـا=ولا كل رجل ٍ عنده دلال مضياف
وأهل البخل ياناس ما أكبر فللها=من دون عاني عندهم يوم ينشاف
وترى الكرامه واجد اللي خذلهـا=وراع النمايم عيشته عيشت خفـاف
ناس ٍ تمادى بالكبـر فـي عملهـا=رديان ليته يابشر تلبـس غـداف
كيف الردى بالوقت ناس ٍ شملها=قوم ٍ على المعروف ممشاه بخلاف
وبعض الأوادم ماتقّـدر كهلهـا!=والورع ينطق بالمجالس ولاخـاف
كم نفس ماتت ماتحقّق أملها=هم يحسبون العز في جمع الألآف
دنيـا ً تزايد ياجماعه عللها=وصار الغني مسكين محتاج طـوّاف
يملك ونفسه غارقه في جهلها=ضايع وليته يستمع حكم الإنصاف
ماأظن نفسه لودقيقه سألها=مايدري إنه باللحد مامن لحاف

تقديري للجميع ,,,,