الطائر المهاجر
05-11-2009, 05:14 PM
تمت هذه المحاورة عصر الخميس 5/11/2009 الموافق 17/11/1430
بين نجم الإبداع(فلاح بن منشار حطيئة الفطاحله) والطائر المهاجر(تلميذه) ، البدايه من تحت
الطائر=
والخاتمه صلوا على سيد الاصقاع= محمد الهادي ختام النبيين
فلاح=
نويت امشيها ليا حد الاشباع= ياطير لاخليك ذا الليل طيرين
دام استوى الطاروق واقبلت في ساع=وراك ترسل لي جميع الهواذين
الطائر=
خل السوالف دام في الحرب مرواع= ومادام حنا فالهروج محضورين
منتاب منهم دام بعيونك وساع=عيون البقر تلقط معا جنب واثنين
فلاح=
يالي خشيمك كنه اخشيم ضفداع= وعيونك الحولاء تخيف الوراعين
لاتاتسمع يوم لاهل التنطاع = خلك معي من ظمن ناسن مساكين
الطائر=
انا الحطيئه ما يبي رمع رماع=ونا المهلل لابدوه الحريبين
فلاح=
انت الحطيئه مسترق كل الامتاع=من شاف وجهك يفتكر حرب صفين
الطائر=
اجمع واطرح ثم اضرب بالاكواع= والحاصله تقسمه لا صار تشرين
فلاح=
ماسممع علوم الا من اصحاب الاجماع =مانته صلاح الدين في حرب حطين
الطائر=
اللي رضى القسمه فلايكون جزاع=والعهد ساري ما يغيره تلحين
فلاح=
مانته وكيل ادم ومن حولك سباع = ماشي على السنه ولي مذهبٍ زين
الطائر=
والطبل لامنه تجاوز للايقاع= يصبح نشاز ولا يبيه المغنين
وجهٍ معي وآخر مع ابليس رضاع=ومن يرضعه ابليس خسران دارين
فلاح=
انته بديت الملحمه يابو كراع= ويوم حديتك تقول انت ناوين
انا معك ماني من اتباع مقراع= ساهر معك للصبح يابو الخواشين
الطائر=
البادي اظلم وانت من يلبس قناع= فك القناع فلا انت محتاج وجهين
فلاح=
لاتعتدي ياعود ياشين الاطباع = وان جيتها شينه غدى وقتنا شين
الطائر=
دامه يعرف الدرب ماخاف الاتباع=لكن البلى في اللي يتمسح على الدين
الدين عند اللي بليله تخرواع=مر شمال ومر يجدع على يمين
فلاح=
شايب مراهق تحت اشارات الاصباع= لاهل العيون الخضر هذراء وهو بيْن
لامن مشيت اسمع لمشيك تقرباع= وعقب العشاء خامد ولاتقضي الدين
الطائر=
كانك تبي تسلم من جروح واوجاع=جنب طريق العود وارجع بخفين
ذيلك اذا من انقطع ماله ارجاع=حتى ولو تلبس مع الثوب ثوبين
فلاح=
ياضب بك خفين من حاشي ضباع= وعينك كما عين القطاوه والاذنين
الطائر=
ماعندك بتال الليل ياكود طعطاع= ولا انته خروف ولاانت ضمن البعارين
فلاح=
اقول هذا العود مايملي الصاع= واليا رمى تهتز منه الذراعين
انا نويت اروح لاخوان من طاع =واقدم اليله جميع البراهين
الطائر=
ذي جدتي وافخر بها جدة سباع= ماخلفت حصني طويل الكراعين
فلاح=
يسمع كلام سجاح في كل مرباع = في خنشليله يعشق ام القراطين
الطائر
رادرنا يكشف على سبعة ابواع=ولو كنت تسكن هند وإلا على الصين
فلاح=
العود هذا مختفي خلف الارياع=ماهو بعير اليا هدر تسنه احصين
الطائر=
والعود لو هو نام وتوسد ذراع= عينٍ تنام وعين ترقب ثعابين
فلاح=
هذا المهاجر صايبه ضني صداع = من مارج النيران والناس من طين
الطائر=
اذا اجتمع صنداح مع نجم الابداع= تعوذن منهم حصاني وشياطين
بين نجم الإبداع(فلاح بن منشار حطيئة الفطاحله) والطائر المهاجر(تلميذه) ، البدايه من تحت
الطائر=
والخاتمه صلوا على سيد الاصقاع= محمد الهادي ختام النبيين
فلاح=
نويت امشيها ليا حد الاشباع= ياطير لاخليك ذا الليل طيرين
دام استوى الطاروق واقبلت في ساع=وراك ترسل لي جميع الهواذين
الطائر=
خل السوالف دام في الحرب مرواع= ومادام حنا فالهروج محضورين
منتاب منهم دام بعيونك وساع=عيون البقر تلقط معا جنب واثنين
فلاح=
يالي خشيمك كنه اخشيم ضفداع= وعيونك الحولاء تخيف الوراعين
لاتاتسمع يوم لاهل التنطاع = خلك معي من ظمن ناسن مساكين
الطائر=
انا الحطيئه ما يبي رمع رماع=ونا المهلل لابدوه الحريبين
فلاح=
انت الحطيئه مسترق كل الامتاع=من شاف وجهك يفتكر حرب صفين
الطائر=
اجمع واطرح ثم اضرب بالاكواع= والحاصله تقسمه لا صار تشرين
فلاح=
ماسممع علوم الا من اصحاب الاجماع =مانته صلاح الدين في حرب حطين
الطائر=
اللي رضى القسمه فلايكون جزاع=والعهد ساري ما يغيره تلحين
فلاح=
مانته وكيل ادم ومن حولك سباع = ماشي على السنه ولي مذهبٍ زين
الطائر=
والطبل لامنه تجاوز للايقاع= يصبح نشاز ولا يبيه المغنين
وجهٍ معي وآخر مع ابليس رضاع=ومن يرضعه ابليس خسران دارين
فلاح=
انته بديت الملحمه يابو كراع= ويوم حديتك تقول انت ناوين
انا معك ماني من اتباع مقراع= ساهر معك للصبح يابو الخواشين
الطائر=
البادي اظلم وانت من يلبس قناع= فك القناع فلا انت محتاج وجهين
فلاح=
لاتعتدي ياعود ياشين الاطباع = وان جيتها شينه غدى وقتنا شين
الطائر=
دامه يعرف الدرب ماخاف الاتباع=لكن البلى في اللي يتمسح على الدين
الدين عند اللي بليله تخرواع=مر شمال ومر يجدع على يمين
فلاح=
شايب مراهق تحت اشارات الاصباع= لاهل العيون الخضر هذراء وهو بيْن
لامن مشيت اسمع لمشيك تقرباع= وعقب العشاء خامد ولاتقضي الدين
الطائر=
كانك تبي تسلم من جروح واوجاع=جنب طريق العود وارجع بخفين
ذيلك اذا من انقطع ماله ارجاع=حتى ولو تلبس مع الثوب ثوبين
فلاح=
ياضب بك خفين من حاشي ضباع= وعينك كما عين القطاوه والاذنين
الطائر=
ماعندك بتال الليل ياكود طعطاع= ولا انته خروف ولاانت ضمن البعارين
فلاح=
اقول هذا العود مايملي الصاع= واليا رمى تهتز منه الذراعين
انا نويت اروح لاخوان من طاع =واقدم اليله جميع البراهين
الطائر=
ذي جدتي وافخر بها جدة سباع= ماخلفت حصني طويل الكراعين
فلاح=
يسمع كلام سجاح في كل مرباع = في خنشليله يعشق ام القراطين
الطائر
رادرنا يكشف على سبعة ابواع=ولو كنت تسكن هند وإلا على الصين
فلاح=
العود هذا مختفي خلف الارياع=ماهو بعير اليا هدر تسنه احصين
الطائر=
والعود لو هو نام وتوسد ذراع= عينٍ تنام وعين ترقب ثعابين
فلاح=
هذا المهاجر صايبه ضني صداع = من مارج النيران والناس من طين
الطائر=
اذا اجتمع صنداح مع نجم الابداع= تعوذن منهم حصاني وشياطين