( الـــــســّـــكـــره .. !! )

[محمد العسكر]

.
.
.
( نخيت قلبك )

وجيتك

بالهوى شاقي

ابيك

ابيك

ابيك

تذكر زمان ٍ راح له سكره !!

ايامك اللي مضت

والحب باعماقي

لعل حبي معك لو مات

تفتكره

ياليتك تعيش فيني (قمة اشواقي )
ــــــــــــــــــ ماكان تسلى عن الآهات .. والعبره !!
.
.
.
.
.
.
.
.
.
.
.
.
.
.
.
.
.

نخيت قلبك وجيتك بالهوى شاقي = ابيك تذكر زمان ٍ راح له سكره !!

ايامك اللي مضت والحب باعماقي = لعل حبي معك لو مات .. تفتكره

ياليتك تعيش فيني (قمة اشواقي ) =ماكان تسلى عن الآهات .. والعبره

ولو شفت كوني معك وشلون بي ضاقي = ماقلت تكفى دخيلك .. خلها بكره

رميت همي بعد ما رحت لاوراقي = احاول انسى معك ما صار .. وافتكره

والله مدري من الالآم وش باقي = لكنك اللي رسمت لواقعي حسرة !!

الى متى الضيق لجلك يحكم اوثاقي = وإليا متى الجرح كني فيك محتكره

لو تدري اني اضيق احيان بآفاقي =ماعاد عندي مع الاياااام من دبره !!

مليت وقتي .. وتاق الدمع لاحداقي = من بعدك العشق رحت ابكي على قبره

تعبت ادوّر دوا ( هالروح والراقي ) = ودواي قربك .. وصدك موتي اعتبره !!

حفظت عهدك مثل مبداي واخلاقي = مايطري اني اخون الدرب والعشره

تعال شفني وشوف الحال وإرهاقي = مكشوف الاوضاع ما يحتاج تختبره

حزني دليلك وضيقي كنه ارواقي = ولو تسمع الصوت جتك الآآآه بالنبره

جفت ينابع حبك ما اروت الساقي = يطرد سرابك .. وذنبك فيه يا كبره !!

هذا هو الحرف يشكي لوعة إفراقي = من شان تدري غرامي كيف وتعذره

ونخيت قلبك وجيتك للهوى شاقي = ابيك تذكر زمان ٍ راااح و السكره !!.
.
.

شعر / محمد العسكر
مع خالص الود