تعااال (دويتو ترانيم وشجون )

[ترانيم المطر]

تعال سامرني بلطف العباره=تعال سمعني جزيل اللحوني (ترانيم )

تعـال مليت التعـــب والخساره =تعال بملا من عيونك عيوني(شجون)

شوفك ربيع الروح واثمن تجاره =وبعدك يوديني لدرب المنوني (شجون)

تعال شوف القلب مضلـم نهـاره=كل العرب في غيبتك هاجموّنِـي (ترانيم)

عجزت أحدد في طريقي مسـاره=وعلى طريق الشر غصْبِنْ حدوّنِي (ترانيم)

تعال خلك ريف قلبــي وداره=لاتبتعد عنــي تزيد الطعونـــي(شجون)

صدك حرق قلبي وزود بناره =وشلون دمعي ياحياتي يهوني (شجون)

تعال ماعادت بقلبي جسـاره=كل البشر في غيّبتك يعذلونـي (ترانيم)

تعال شوف الهم كنه سـواره=بعدك على همي يزيد الشجوني (ترانيم)


لــو طال بعــده مــاتغيّر قراره = اللي على عهدٍ مضى مايخوني(شجون)

القلب مايهنا سوا في جواره = ولا اطيع بــه عذال لو ناصحوني (شجون)

ولضّلم علي الليل وأرخا ستـاره=حاسبت نفسي قبل لا يحاسبونـي (ترانيم)

وعالجت جرحي ما نويت إشتهاره=أضحك وهمي جامعن كل لونـي (ترانيم)

هذا وانا مادجت في كل حاره=لي سيرةٍ بالطيب تعلا المزوني (شجون)

بنتٍ لشيخ الجود ماضاق جاره=اللي مع الشدات كفه حنوني (شجون)

لا جاء لزومن ما يطُول إنتظاره = ولا يقول عاجز حلها يا فلاني (ترانيم )

ربعي إليا شح الزمان بقراره = أثنو عليهم من قديم الزماني (ترانيم