امساك با المعروف تسريح بأحسان

[احمد الجريفاني]

امساك با المعروف تسريح باحسـان =
هـذي سلـوم الواثقيـن المشاكيـل =
محدن سال من فيكم اليـوم غلطـان =
سوء التفاهم مـا يهـز الرجاجيـل =
لا تشمت بخلن فديتـه بـا الاعيـان =
ولا تبدي لكـل النفـوس التفاصيـل =
بنتـن بدالـه بنـت وفـلان بفـلان =
زواج قسمـه لا تطيـع المهابـيـل=
فكر بمنهي حركـت فيـك الاشجـان =
من عقب ما كانت ملاك اصبحت ويل! =
قدر سنينن عشتهـا حيـل طربـان =
من قبل ما يحلى لك القـال والقيـل =
ارحم دموعن جرحت حمر الاوجـان =
ما قمت تمسح دمعها بـا المناديـل! =
خف بطش ربن صورك خلك انسـان =
نصيحتي لك يا الرجل خلـك احليـل =
تصور اختـك تقبـل يقـال تنهـان =
ولا عندها حيله ولا فـي يـده حيـل =
مافيه عيب تقـول مخطـي وندمـان =
الاعتراف يضيـف لـك زود تبجيـل =
فكر ترى خلك علـى الـدوم ولهـان =
لا غبت لحظه قـام ينظـم مواويـل =
تر الذي يسمع من النـاس خسـران =
خلك عطوف وخلك اعذب من السيـل =
وخلك مع اللي يسعدك طول الازمـان =
اكيد مـا تلقـى مثـل نافـل الجيـل=