قانونكم هذا يـغـيــض الجمــاهـيـــر ،؟؟

[الخنساء]

هذه القصيدة
من ضمن ثلاث قصائد تم تقديمها الى لجنة شاعر المليون ( 4 )
أقدمها لكم و بشكل حصري ،، مع تقديري لكم

يقول من حاله كثير التفاكير = دايم هواجيسه تسابق حضوره

يسوقها و تسوق ممشاه و يسير = كنه على المضمار مع كل دوره

مما يشوفه يالوجيه المسافير = من حاقدٍ ينفث علينا شروره

إعلام غربى ينسج الشر ويدير = يدير دوراته و مكشوف دوره

يقول للمرأة حقوقٍ و تقدير = ولها مواجيبٍ عليها مشوره

لابد ما تعطى لها دون تقصير = ياللى هظمتوا حقها بكل صوره

يا مشغلن بالك بحال المساتير = خذ الجواب اللي وصلكم سطوره

حنا على الدستور ماشين و نسير = دستورنا القرآن و النور نوره

ما نحيد عن دربه ولا جاه تغيير = و أرواحنا تبقى سياجه و سوره

يا مدعي الإصلاح و تريد تطوير = أنظر لحالك والعلوم مخبوره

نشاهد المرأة لها لبسٍ مثير = على الملا تختال ومكشوف عوره

كل الحياء معدوم و الذيب فالبير = بليا رقيب ولا رجالٍ غيوره

مثل الغنم تسرح و تآخذ مشاوير = الدرب عاثر و الحظوظ معثوره

قانونكم هذا يغيض الجماهير = ما يقبله عاقل على ادنى بزوره

أنتم كما اللي ينفخ النار فالكير = يا مشعلين النار منكم خطوره

منكم أذى من داء ذيك الخنازير = الله يكافينا من أهل الفجوره

دايم على الافساد تعطون تبرير = تستحدثون احداث دايم دبوره

ياما شعوبٍ عانت أقسى التعازير = من بطشكم ياهل النفوس العقوره

وكم دولة سقتوا عليها التدابير = تدمّرت من عقب ماهي معموره

بالدجل و الترهيب واوراق تزوير = إلكم على التدليس نفسٍ جسوره

أوضاعكم ماهي على حسن تدبير = والناس و العالم عليكم صبوره


راااااااااائع اخى الشاعر داعى الشوق
صح لسانك مليون ولاهان راسك
سلمت ودام حرفك