لاقمر يضوي ولا حتى شموووع !!

[عبدالرحمن هلال الهلالي]

للتواااااااصل


لاقمر يوضي ولا حتى شموع = ياظلام الوقت وش ذنبي انا
اتحراهم وانا قلبي ولوع = يدفعه شوقه على درب العنا
امسح الدمعه وتلحقها دموع = واتجرّع عبرة حروفه ضنا
واخفي الاحزان مابين الجموع = وان نظرته شحت بالطرف ورنا
سيدي ياسيدي ماني جزوع = بس وصلته على حد الفنا
واهني اللي جروحه ماتروع = صاحبه مسقيه من كاس الهنا
مالقى مثلي عن الفرحه منوع = جاهلٍ بالحب ضيّع حقنا
يختفي بالسبت ويقول الربوع = ويخلف الميعاد بس الله لنا
ودامها وصلت على حدٍ يروع = عن هواك اليوم قلبي في غنا
ببتعد ماعاد لي قلبٍ قنوع = لاحرمني الله من طيب الجنا

هنا شعر
هنا شجون القصيد :)
هنا يتكاثر الحمام ويرف الحسن
موسيقى الأبيات وتقاسيم الكلمات تتناثر إبداعاً
كوني بخير لنكون بشعر
تحية شجون .