محاورة للجميع

[محمد السفري]

يعيرني وهو مكشوف حتى لو كسر نابه = يحسبنه وليد البارحه بمهاد من شالي
شبكه وتعير المنخل ولو هو يفتل اشنابه = والى من شفت له صوره لقيته كنه كحالي
انا مانيب من يدلي دليه وسط مغرابه = فدلوي عارف دربه ولا يمشي على الخالي
ولو هاجمت فهجومك ولو فوق من دبابه = صواريخي ترى تقفى الحراره في السماء العالي
تدمر قبل ما تنوي وتبعث نار لهابه = فسلم رايتك احسن مادام العلم ينقالي



ألا ياناس قولولي علام الطير وشْنابه=علامه شايفٍ نفسه وحكيه مو بعسالي
إذنه غاويٍ دلوه ....عقيد القوم هشنابه=حكمناها عوالي نجد حتى ربعنا الخالي
ترانا عسكر البارود حلاله وشبَّابه=تباها حل حلينا صغير فحرب حلالي
وإذنك باغي النشبه طحت فقوم نشابه=حكمنا فيك بالإعدام قرارٍفيك كالتالي
أبن عمار في كفه وغيره دوم نسلابه=محمد لا نخيته جاك مثل السيل حلحالي
ابن عمار حذرا يالمهاجر لا تهزابه=له الطولات في ميقاف غيره ماترى طالي