من جرف في دحديره

[نمرالعوين العتيبي]

السلام عليكم ورحمة الله وبركاته
ومبارك عليكم العشر والله يجعلكم من من كسب
فيها اجر كثيروللتواصل اقبل هذه ولكم جزيل الشكر





الغدر وش يعني لك الغدر يازين=طعنت قفى ولا هجر من تحبـه
وثنتينهم ياشينهم بين الاثنيـن=صفات منها العقل ضايع مهبـه
واهل الخيانه دايم علمهم شين=فيهم مرض يصعب علاجه وطبه
وعزي لحب صار مابين قلبين=ونار الغدرفيها لقي من يشبه
تكوي شغاف اقلوب منهم عزيزين=وتحرق ضلوع الي غفل ماتنبه
وزادة هموم مولعٍ يشكي البين=شاف الكدر واستوطن بوسط لبه
ودايم يفوز الي لعب فوق حبلين=وعلى الجروح الملح دايم يصبه
واهل الوفاء والتضحيه وينهم وين=طريقهم صعب والا حد يذبه
ياقلهم في هالزمن كيف بعدين=والوضع متدهور وكلٍ يسبه
من جرف في دحديره وشابت العين=وعلى الوفاء ياكثر دمع تكبه