........ ميثاااااق الغراااام ......

[شجون القصيد]

متواضعه ارجو ان ترتقي لذائقتكم





سباني بك غرامك ياغرامـي = وانا اللي من ودادك فـي هيامـي
تعنيني جروح الوقت واصبـر = ولا ادري بالمحبه وش علامي
ملكت الفكر منـي ياغناتـي = ملكت الروح ياغاية مرامـي
عليك اليوم يادمعٍ نثرته = كما الهتان لاهل الغمامي
رجيت الدمع يرحمني وكنه = دموع صغيرٍ عقب الفطامي
وقلبي ليت تدري في غرامه = الومه ماسمع فيك الملامي
لكن القلب لاطرّووك عندي = يخزه مثل خزات السهامي
حبيبي والعنا عقبك شربته = بكاس السم من عقب المدامي
دخيل الله ترفق بالمتيم = وترحم حالته قبل الحمامي
جداي اذكر كلامه وان ذكرته = يزيل الهم واهنا في منامـي
سلام الله يادار سكنها = شمال ديارنا من قبل شامي
تواردها رياح الشوق ثقلى = وتشجيها البلابل والحمامي
مكانٍ به تلاقينا منول = على وضح النقا مابه غشامي
تعاهدنا على درب المحبه = واخذنا فيه ميثاق الغرامي
حفظت العهد له من كل قلبي = ولا ادري عن عهوده بالتمامي
اذا كانه على عهدي فيبشر = بقلبٍ ماسمع فيه الكلامي
واذا خان العهود اللي مضت له = فعلى الدنيا ومافيها السلامي