"من أين لك" قانون بالعقل مقبول

[الطائر المهاجر]

لا صار به مسؤول بالعز محفول = وخان الأمانه ياترى من يرده
والمشكله لا صار من قبل مشيول= من موقع آخر بعدما بان سده
منظر تكرر دون ردعٍ ولا حلول = باسم التسامح والعفو والموده
في العالم الثالث تلاقيه مكفول= ظهره قوي وما حدٍ وقف ضده
ولو هو بدار الغرب فالردع مدبول= مهما وصل له موقفٍ عند حده
"من اين لك قانون" بالعقل مقبول= حتى يبين اللي تساوره رده
فكم واحدٍ معروف بالفقر مغسول= لا من تولى امر تمتد يده
باع الضمير وصار في النهب مجبول= حتى ولو باع الوطن مايسده
همه رصيد وكيف يرفع لمدخول= لو هو قتل والبيت ساهم بهده
والعذر جاهز مايبي دقّ لطبول= امرٍ مقدر والقدر من يرده
فالبعض جانا لافيٍ فوق محمول= ولا اهتم دام البحر جابه بمده
مثله كثيرٍ بعدما كان مجهول= اصبح يسمى الشيخ نسيوا مرده
ولو هو اصيلٍ مامشى الدرب بختول= للدين والعادات طبعه يحده
ضمير حي ولا مشى الدرب بميول= امانته والدين في الشغل عده
ماللوطن إلا رجاجيلٍ عدول= جذورٍ اصيله للحضاره تعده
واللي يخون الدار عن قصد بفعول=ضربٍ بسيف الحق في كل شده