معذور تنسى !

[عبدالله راشد الثويني]

معـذور تنسـى ، ماتجيـك الملامـه=لكن تأكـد ، عاشقـك صعـب ينسـاك
طيفـك يـزوره لا غفـا ، فـي منامـه=في ناظـره ماهـان بعـدك ، وفرقـاك
تبقى الحبيـب ، اللـي تعلّـى مقامـه=ياروح [ عبدالله ] ترى العمـر يفـداك
قلبـي بعـد فرقـاك يعلـن صيـامـه=ينقض .. صيامه يامُنى الروح طريـاك
مابيـن نظـره شـارده ، وإبتسامـه=كلّي أمل ، يصفيّ لي الوقـت والقـاك
يفرح بك اللي قاسـي الوقـت ضامـه=مامـرّ يـوم وخافـقـه ، ماتـحـرّاك
يتخيّلـك وإنتـه ، تشـيـل اللثـامـه=ويقول جلّ اللي مـن الحسـن سـوّاك
كنّك قمر خمسـة عشـر فـي تمامـه=يتـوُه مـن حـاول يعـدد .. مزايـاك
تبقين .. عنوان الغنـج .. والوسامـه=مغليك [ نور العين والقلـب ] سمّـاك
ماغيرك مـن النـاس شـد إهتمامـه=لا والـذي ســوّاك . لا ذا . ولا ذاك
لو شفتني ساكـت . واكـف الملامـه=العلم واضـح .. ماتوقعـت .. يخفـاك
نظرات راع الحـب .. تشـرح كلامـه=ساكت .. وقلبه . صعب ينبض .. بليّاك



عــــبــــد الله 00

لا امـلـك امــام هـــذه الـــفــــاتـنـــه ألا أن أقـــــول

صـــــح كـــــلـــــك 00

لاخـــلا ولا عـــدم

00


أختي الغاليـه / حوريـه
صح بدنكِ ولا هنتي على مرورك العطر
كل الشكر وتقبـّـلي تحيتي