قصائد تحت المجهر(اختياري)

[بحور الحزن]

هنا قصيدة لن اقول أنها جميلة ولن اقول انها عكس ذلك

بل ساترك لكم اكتشافها

واستقرائها بذائقتكم الراقية

هي لشاعر جميل ليس بالمغمور وليس بالمشهور

بل هو عوان بين ذلك !

أرونا مواطن الضعف

و أتحفونا بمكامن الابداع

ودعونا نبحر سوية في عالم النقد الايجابي الرحب



كل يوم يمرني نفس السؤال .. ويختطفني=للأرق .. للحزن .. للتنهيد .. لدموع الصبابة



لين صرت اشعر بأن الوقت وده يكتشفني=لا نبت دمعي على خد الورق قبل الكتابة



والغريب اني أنا مرات مانيب آعرفني=لا تذكرت الغياب اللي تناوشني حرابه



صاحبي من غبت وجروحي على جنب تعزفني=إنكسر ضلعين في صدري بعد قوس الربابه



صاحبي من غبت كن الصبح بالشمس يحذفني=واحترق من لوعتي والوقت يركض في غرابه



صاحبي من غبت كن الليل بالسهد يعسفني=وانطفي في وحدتي والوقت يمشي في رتابه



صاحبي من غبت تبحر في بحر ذكراك سفني=من شواطي حيرتي دربي على شط الكآبة



صاحبي كن الغياب المر ذنبٍ يقترفني=ليت له توبه وارددها معه واجني ثوابه



كل يوم الناس تسألني .. تحاول تختطفني=عنك .. في غيبتك واترك نفسي لدمع الصبابة !!

أتحى تحية