** في خــاطــري موضــوع عنكم و عنــي ؟؟

[عمر ال شيبي]

http://farm3.static.flickr.com/2174/(يمنع عرض أرقام الهواتف بدون أذن الإدارة)_68d36fa586_o.gif (http://www.bibo4pc.com/)
http://farm4.static.flickr.com/3238/(يمنع عرض أرقام الهواتف بدون أذن الإدارة)_0ab22851b9_o.gif (http://www.bibo4pc.com/)


في خاطري موضوع عنكم وعني = دايم يشاغلني على مر الأيام

من شانه القيفان جن يعدني = أبختصرها و الأمر شامل وعام

لا مشكلة ما بين شيعي و سني = ما دامت الفطرة على دين الاسلام

إيماننا بالله من دون ظني = سبحانه اللي بالخفيات علام

الدين واركانه شملك و شملني = و تبقى عروبتنا لنا ذخر وحزام

وان كان خلف ستار صوتٍ يرني = صوت الشقاق اللي للاعداء خدام

اللي على الشحناء يحث و يزني = تدبير هدام و على النفس هدام

يقتص للإكراه منك و مني = والحاصل التشتيت وانزاع و خصام

نعرات نسمعها و فيها تجني = يرمي بها الغاوي ومن خلفه إعلام

إعلام يرمعنا و دايم يشني = متسلط و مكلوف و مسلط اقلام

يا محكمين العقل جيت متعني = أطرح أمورٍ كدرت حال منظام

دايم تشاغلني وعقلي يجني = الأمر مخطورٍ و مستعجل و هام

يكفي تخاذلنا و حال متدني = و حقوقنا ضاعت لها عدة أعوام

المسجد الأقصى رهين و يحني = مستعمره عدوان راعين الاجرام

و حنا مع المزمار واللي يغني = و زودٍ على ذلك تنابيش و صدام

الوضع يا خواني تراه متثني = ما يحتمل تهميش وظروفٍ تقام

اقول و اعلنها وكلن فطني = أقولها و أبصم عليها بالابهام

ياللي بنفسك شك لا تمتحني = كب الضغاين و إنظر المجد قدام

نمشي بدربٍ واحد ونرجهني = وعقيدةٍ وحده و شرعٍ بها قام

بالله يالاخوان لا يخيب ظني = ترى الأمل معقود والوقت صرام

لـَم الشمل يبقى الهدف و التمني = و توحيد كلمتنا ونرقى على الهام

أحلام ننشدها و لا نستكني = الله يحقق ما نشدنا من أحلام


http://farm4.static.flickr.com/3227/(يمنع عرض أرقام الهواتف بدون أذن الإدارة)_(يمنع عرض أرقام الهواتف بدون أذن الإدارة)a2_o.gif (http://www.bibo4pc.com/)

بارك الله فيك

نعم ونعم ونعم

بيض الله وجهك لا هنت