الحب لغز الكون

[عمر ال شيبي]

( لغز الكون )
تقدر تقول ان الغلى سبة اعجاب=وتقدر تقول ان المحبه مذله
الحب لغز الكون مجهول الاسباب=لغزن جميع الناس عجزت تحله
يا اللي سلبتيني بتذبيل الاهداب=انا فدى ذيك الرموش المظله
ما كنت اظن اللي للالباب نهاب=ينهب حشاك وفوق ذا سامحن له
يبرق ويرعد والمطر خارج الباب=وانا احسب انه غيمتن مستهله
غرون غرير لبسرة القلب سلاب=بنى له بوسط المعاليق فله
نصفه من الديره ونصفه من اجناب=يجرح وانا مستانس ومرخصن له
لا جا يهرج بلهجتي تقل مرتاب=ولا جيت اعدل لهجته قلت خله
اليا ابتسم شفت الحلى بابيض الناب=وليا همس خلن تلاقى بخله
ما يعرف الغيره ولا يبدي عتاب=واثق كاني واحدن من هلن له
غلاه تل القلب واهداه ترحاب =افرح ليا شفته لقلبي يتله
حلو اللعس يا ليتنا نصبح اقراب=ما دام قلبي سلمك كل كله
انا طلبتك والامل فيك ما خاب=تترك خواطر حبنا مسفهله
انا اشهد ان الشوق طاغي و غلاب=وان الحبيبه هي دوا كل عله
دنيا بليا شوق لمعانق احباب= لو تنقلب فردوس لازم نمله




ارجوا ايضاح هذه الكلمات

اللعس بالفصيح : اللُّعْسُ جمع أَلْعَس، وهو الذي في شفتيه سَواد. قال الأَصمعي: اللُّعْس الذين في شِفاهِهمْ سَوادٌ، وهو مما يُستحسَن، ولقد لَعِسَ لَعَساً



المسفهله ؟



لبسرة القلب ؟




اكيد نِمله
وليه لا وشدنا بدنيا ما بها شوق

صح لسانك لا هنت وعلى الرمل بنقول


الغلا قمة حلاها في لياليها رحاب = والتعاجيب البدايا لي مسار الحب حلّه