صلف الهبــــــوب

[الخنساء]

هيه ياكل من لي عل نفسي طرب = بدد الليل واسفك مايغث القلوب


اشرب الشوق ياما في غيابك شرب= من سبايبك نومي لين قررت اتوب


تنشدن عن شعوري كل مابي هرب= كالقراطيس همي وانت صلف الهبوب


قل شوفك عمى عيني وقلبي ثرب = مار ربي وربك عالمٍ بالحجوب


وانت شوفة قبالك عن مشاهد عرب = كل نظره لغيرك ذل عين وذنوب


ارحم اللي بدونك ضاق غم وكرب= ولادرا عنه حيٍ واتعبته الدروب


لاجل عينك عنا من ديرته واغترب=ولأجل خاطرك بدل بالشمال الجنوب


للعشاشيق خلانٍ وللخلق رب = لاتخلي خليلك بالهجوس إمعطوب

صح لسانك مليون ولايكفون
جزلة من شاعر متمكن
سلمت ودام حرفك