واثره ضعيف النفس سارق ومطعون

[هرم مره]

بعض الكتب تدوش عقل من قراهـا=ماهيب تهدف لاي مبدا ومضمـون
تشره على نفسـك وتنقـد علاهـا=لاجيت تقراها وهـي دون قانـون
ماغير تبلا النفـس تبحـث خفاهـا=وتضيق الانفاس وتضيـق الكـون
وبعض الكتب في سبكهـا ماحلاهـا=ودك بهـا لوكـان تشـرا بمليـون
والله ماينـدم بهـا مـن شـراهـا=كنه ملـك باسبابهـا مـال قـارون
والمشكلـة يانـاس ماهـو غلاهـا=المشكلة لوتنسب لشخـص مغبـون
مغبـون لانـه ماوصـل مستواهـا=يبحث عن العليا وهو دون في دون
يقول انـا اللـي كاتـبٍ محتواهـا=واثره ضعيف النفس سارق ومطعون
غيـر وسيمتهـا لجـل مايـراهـا=كتّابها كنـه علـى جمـر غليـون
فاللي يغيض النـاس يهـدم بناهـا=ليته يملّ الدهر لـو عاشـه قـرون



الأخ الشاعر طلال الشهراني

صح لساااانك وجاد فكرك وعلا شأنك
قصيدة رائعة كروعة فكرك الوافي ، وهادفه بكل
ما تعنية الكلمة من معنى، سجل اعجابي الله لا يهينك.


هاض الغرام وهيّضه من بداها= منظومة(ن) تنهج على ذوق وافنون
راحت تشوقني هجوس(ن) تباها = باحلا المثايل شوق مغرم ومفتون
ما قلت يالشهراني إلا قداها = أبدعت فيما قلت وابليس ملعون
ماكل من يبغا الجزيلة لقاها = ولاكل منهاج(ن) عن الميل مأمون
راي(ن) حكيم وللمعالي رقاها = لاهانت افكارك وشرواك مايهون
هزيت جذع الجاني اللي جناها = املجلج(ن) من بعض الأفكار مشحون
أفكار من يبغا كحلها عماها = ما يدري انه مضمحل(ن) ومجنون
لا جيت احلل كلمته وش وراها = ما غير صفصاف(ن) مقفى وموزون
مدري على ويش الملوي لواها = لا واصل(ن) غايه ولا مشبع اظنون
روّح يحسب إنه توصل سماها = كنّه ولد هذّال ولا إبن لعبون
يقطعك ياللي للمثايل بلاها = اقولها والناس مثلي يقولون

خالص الود
هرم مره