عديل الروح .... ياريم البوادي

[الطائر المهاجر]

عديل الروح يانبض بفؤادي= ما اطيق الصد ياريم البوادي
انا شسويت قلبي صرت ضده= وصرت اليوم من يكسر شدادي
حبيبي القلب ماعاده بكيفي= ملكته انت من بين العبادي
لغيرك ما يبي يسمع ويوحي= ولاجلك ضاع فكره والسدادي
ترفق به فجرحه صار نازف = ترى يحتاج من عطفك ضمادي
ترى الهجران في حقي خطيه = بليا ذنب ترغب في ابتعادي
وانا طول العمر بالعهد وافي= فلا تجزى وفائي بالنكادي
ونا ادري بك وفيّه غير خايف= من العذال او بعض الاعادي
تعالي والمسي نبضات قلبي= وحسي الجرح نزفه في ازديادي
ترى دنياي من غيرك كئيبه = كفاني ما جرى حني لفؤادي