مناي إرضاك

[هرم مره]

(( من الأرشيف))



عطيتك بالوفاء عهـدي ..
عطيتك كل مـا عنـدي ..
عـســى تـرضــى ..
وتـقــبــلــهــا ..
مناي رضاك .. ولي ردّي .

*****

عطيتك عهدي الوافـي ..
أبد ما أخون ولا أنسـى ..
ولـــو الــوقــت ..
عـــانـــدنـــي ..
هواك الشط والمرسـى ..
مناي رضاك .. ولي ردّي .

*****

أنا عفت الهنـاء بعـدك ..
وعفت النوم والسلـوى ..
هـنــاي يـكــون ..
فـــي شــوفــك ..
وبعـدك منـي البلـوى ..
مناي رضاك .. ولي ردّي .

*****

أحبك وأمتثـل لأمـرك ..
على شانك وأريد أرضاك ..
تــدلــل قــــول ..
يــــا عــمــري ..
تدلل مـا طلبتـه جـاك ..
مناي رضاك .. ولي ردّي .

*****

خلاص الصـد عذّبنـي ..
ونـار البعـد تكوينـي ..
أذوق الـــمـــوت ..
مـــن صــــدّك ..
خلاص أرجوك يكفينـي ..
مناي رضاك .. ولي ردّي .

*****

تعبت بشوق وأنتظـرك ..
أمل عندي متى ترجـع ..
وأقـــول الـيــوم ..
أو بــــاكـــــر ..
تجف عيون لـك تدمـع ..
مناي رضاك .. ولي ردّي .

*****

وقفـت بهـم والحيـرة ..
تراودنـي تجرّحـنـي ..
بـنــار الـشــوق ..
نـــاديـــتـــك ..
تعال أرجـوك فرّحنـي ..
مناي رضاك .. ولي ردّي .

*****

تعال أقضي معك عمري ..
وأمتّـع باقـي أيامـي ..
وعـمــر الـحــب ..
يـجــمــعــنــا ..
سواء وأحقق أحلامـي ..
مناي رضاك .. ولي ردّي .