لجمل تقاسيمك

[ترانيم المطر]

يا مالكٍ روحي ترا اليوم لك شأن = يا مركب الأشواق فل الشراعي

حبك جلا همي وغمي والأحزان = هز الخفوق وجاوبته الوساعي

سكنت في روحي وعليت الأركان = وجيتك بساعه زاد فيها إندفاعي

أعيش معك العمر راضي وطربان = وأعاند الحاسد بقدر إستطاعي

طير الفرح رفرف وصفّق بجنحان = يعالج إجروحٍ نوت في ضياعي

أنت الفرح خليتني أسعد إنسان = وأنت الحكيم بوسط جملة رعاعي

إختارك القلب المتيم بتحنان = من غابةٍ حاشت أسود وضباعي

وسرنا بمركب هاديٍ دون ربان =ولأجْمل تقاسيمك يزين إستماعي

ماهمني من عاند المركب ولان = ولا همني شعرٍ كُتب بالرباعي

رحلة فرح زانت وهالدّرب لي زان =معك معك لو كل دربك صراعي

يامالكٍ روحي مبيِ غيْرك إنسان = أنت الوحيد اللي له القلب ساعي