صبيتها منشار نار المداوي

[عمر ال شيبي]

ارحب عمر ياذيب في البر طاوي=ناظر لغفر الصيد في مهمهيه
عين الضبى ماهيب عين النداوي=لاسلهمت بالطرف جات المنيه
من حول ابي الرقراق سهم المناوي=صابت خفوق اصويحبي بالجويه
جاني الخبر بالحق ماهو فراوي=بين العرب صارت علومه رويه
زين الحلاوي ساق له طرف ذاوي=ماخطاء الخفوق وجاه ضربه قويه
عين المهى في طرفها الموت كاوي=يكوي القلوب ومامعي مقدريه
ياصاحبي صوره بها الحسن ضاوي=لاتتبع المقفين يابو الرويه
خلك قنوع ولا تجي للمهاوي = دام ان عندك حافظات العنيه
خلك على قردك وسيب الرهاوي=ياراعي العقل الذي فيه نيه
وان كنت ناوي فيه تصبح جلاوي=فان جيت رايح مر بالله عليه
باسايرك لوكنت ماني بقاوي = لاجلك كريم ولك بنا مقدريه
ياصاحبي لاتحسب الخد راوي=هذي مشاهد من ثرى المسرحيه
لاتتبع نفسك وتنسى الفتاوي=وتروح ديره مابها منبريه
والجرح في قلبك عساه امتشاوي=والحب خله للقلوب الخليه
هذا الكلام الي عليه النقاوي= يشفي النفوس ويطرب البندريه


عين العقل ما قلت ولا هنت دوم جزل

واستلم طال عمرك







يا مرحباً باللي مِردّه نِداوي =صافي كتابه مع صهيل الجليّه
مسباقها طير ٍ سلام الريحاوي=ينثر علينا من عطور ٍ زكيّه
مفتاحها منشار رحب السقاوي =رحب المطر بارض ٍ قناها جِفيّه
من شاور المعلاق ياكل كلاوي =من شاور الاخيار يلقى خويّه
وآنا نصيتك يا عزيز النقاوي =قدّام نار ٍ صابة القلب كيّه
أول بداها اعصير ولدي شقاوي=تالي مباهير الخطا من إِديّه
مرقابها مزيون نشر ٍ نهاوي=مشوارها للعين هز ٍ عطيّه
مَحْنا مِثيلك يا دخيلك نخاوي=عادة بداوه سيف يوم ٍ لقيّه
ليلة حنان الروح قمرة لقاوي=مرسولها شمعات ضيٍ خفيّه
عقب الشمس بغياب بعد العشاوي=تبدا حكاية روح سرّ الدريّه
موصولها احساس غير الشفاوي=مغناجها واهماس راسي طويه
غير الحلا وش في بِواد الحكاوي =ياْ النّجم بحشاشي طباع اردنيّه
مبسم هلا بك والرحايب رقاوي=ساعة هناها الشوق ترمي ذويّه
صدق الكلام إليا عرفتَن ْهقاوي=ريحة بخور العشق جلبِن وطيّه
حلم ٍ وعشته في خيال ٍ حناوي=جلابها المعبود ساعة نديّه
عقب الصدود اللي جمرها مناوي=احمر عذاب القلب جابن خطيّه
وش حيلة المظيوم ليلة سباوي=لا هِيْ بْعدول الروح ما لِيْ بحظيّه
اسالك بالله العظيم الرجاوي=حالة صِواب النار ما هيْ بْجليّه
واحمد الله ماني للردى ناوي =عين الجيوب الفارغه محْكِميّه