متى؟ ،، ومتى؟ ،، ومتى؟

[هرم مره]

في دنيتي ما شفت للشمس مشـراق = الليـل عنـدي والنهـار إمتسـاوي
كم عشت فيها محرقٍ صبري إحراق = أشفق على نفسي وكلّـي رجـاوي
أرجي متى السلوى تقـدّر وتنسـاق = متى عطيب الجرح يلقـى مـداوي
متى شعاع الشمس يظهر له إشراق = متى مع الظلماء يسـوق البـلاوي
متى يغنّي بالفرح طيـر الأشـواق = متـى يميّـز فرحتـه بالغـنـاوي
متى يعّـزم جايـر الهـم بفـراق = متى يهنـي بالفـرح كـل هـاوي
متى يرحـب للهنـاء قلـب خفـاق = متـى يجـول وللسعـادة يخـاوي
متى يبيّح كـل خافـي بالأعمـاق = متى يفجر ما بقـى مـن شكـاوى
متى يشوف الحظ وافـي وينطـاق = متى يكون لصفحـة العـام طـاوي
متى كسير الساق ياقف على الساق = متى يقول أنه على الجـور قـاوي
متى يهم وينقـل الطـاق بالطـاق = يصهل صهيل ويعتـزي بالعـزاوي


خالص الود
هرم مره