حان الرحيل ولا ادري الدرب لاوين

[ماجد الزيد]

حان الرحيل ولا ادري الدرب لاوين= لكني ادري القلب ماهوب قاوي
حتى ولو عانيت مرّ الأمرين = لابد ما ارحل دام بالصد ناوي
يمكن تلاقي من ترى لاق للعين= واعيش بعدك في حياتي شقاوي
ما تصفي الدنيا لكل المحبين = كلٍ عليه من الزمن ذيب عاوي
احد يحب بقلب واحدٍ بتلحين = واحدٍ بليا قلب عايش هواوي
وانتي بقلبي ساكنه من زمانين= علمٍ اكيد وما يبي له فتاوي
ما ارخصت بك حتى بديتي تصدين= واليوم ادور من جروحك مداوي

اشهد بالله انها جزله ووافيه رغم قصرها
صح الله لسانك مليون ولا يكفون يابو عبدالله
احترامي وتقديري