حضرة الوالي

[سعيد بن سالم]

للقصيده موقف .. لكم القصيده .... مع اجمل تحياتي ومودتي !


كتب حضرة الوالي وعنى لي المرسول=يقـول : الخليفـة ينتظرنـي بديوانـه
على كثر ما رددت في خاطري(معقول؟)=عجزت احتفي بالفرح والروح فرحانه
توجهت في دربي بعد ما حبكت القـول=وانا شاعرٍ وادري بمعنـاه واوزانـه
قطعت الفيافي كنت اعد الجبال.. سهول=احث القـدم للسيـر والنفـس ولهانـه
اخايل بعيني قصره العامـر المأهـول=على رأس ذاك الطود منصوبه اركانه
وصلته وقدمني له الحاجب المسـؤول=ورحب وصافحني وعرف بي أخوانـه
هنا من بيحسدني وانا واقـفً مذهـول=بقصر الخليفة بين عرشـه وسلطانـه
ثلاثين !! فارس مستعدين فوق خيـول=ومئتين !!قـد واجتهـم عنـد بيبانـه
ياكثر العيون !الي تناظر عيونٌ حـول=عسى ما تأول وش دعاني على شانـه!
عن الشك ! ناداني وانا قايد الاسطـول=وانا الفارس الي كان من ضمن فرسانه
تكرم وكرمني ونلت الذهـب واللـول=وسـاق العبيـد وجارياتـه وغلمانـه
ترادف عطايا سيدي مثل دقل سيـول=وتبقى خزاين راعـي الجـود مليانـه


.........