مــــــــــرادي

[عبدالعزيز البليهد]

http://sub3.rofof.com/img3/012mwjrd30.jpg (http://www.rofof.com)





من ما يحب العطر والورد والكادي = ونسمات روض الربيع ولين إنفوده
وضحكات الاطفال والفرحه والانشادي=الله مااحلا البرائه وسط الانشوده
وجه البحر كحل عين الضايق الغادي=وشوف الشوامخ سرور العين وسعوده
ومن لايحب المطر في مرتع هادي= ماتسمع الا طشاش بغيبة رعوده
والله على السيل لادربا مع الوادي=يوحي وشيشه هجوعٍ طوّل رقوده
كن الزبد وفد حجاجٍ وورادي= على حياض الرمي عجله ومحدوده
يقتش ماجا بدربه سمل وجدادي= ويحيي نباتٍ هشيم ويابس ٍ عوده
عليه من صبغة الشكليت منقادي.= وعليه من ديمة الهتان ماهوده
وبطرافه العشب توه باوله بادي= وعنه الدبش من جميع الخلق مردوده
وليا تفهّت طيوره قامت تنادي= والجو رايق ولابه زايد إبروده
ياشبّت النار ياهي تنعش فوادي = وحضب عليها دلالٍ تلصف خدوده
عزالله انه جلا للهم ومرادي= وعلاج نفسٍ من الضيقات ملهوده