يازين بشرني

[محمد عبدالله البدراني]

أخواني وأخوتي أعضاء وزوار هذا الصرح الشامخ أضع بين أيديكم هذه الأبيات

وكلي أمل أن تحوز على القبول والإعجاب


يازين بشرني عسى حالـك بخيـر =بشر عسى عقبـي ليالـك سعيـده
روح شهر واصويحبك حالته غيـر =يفرك من الحسرات في راحة إيـده
عليك مشغلتـه هجـوس وتفاكيـر =و البعد معهن كل هـم (ن) يزيـده
اهمـوم فقـدك زاورنـه طوابيـر =والحزن موقد في ضلوعـه وقيـده
إلك الغلا يرجـح ببانـات والنيـر =والله يستـر لا يـخـل العقـيـده
من قبل عرفك ساطي (ن)كني الزير =ومن عقب عرفك قيس ليلى ونشيده
معطيك للخفـاق صـوره وتقريـر =وقـرر علـى ماتشتهيـه وتريـده
كلـن يعايدنـي ويـزف التباشيـر =والقلب ما هـو يـم الأيـام عيـده
يكفـخ وتلنـه علوقـه تقـل جيـر =مقصور مسباقه على كـف سيـده
لولا المحاني تحبسـه والله يطيـر =ويزبن محاني الزين يانـاس سيـده
وعلى المحاني مع متـك الأزاريـر =يعلن مماتـه بيـن عنقـه وجيـده
وإن كان خانتنـي كثيـر التعابيـر =أقـول أنـا والله ماهـي جـديـده
اهدي لك أبياتي ودمع (ن)محاديـر =وهديتـك بالعيـد نـزف القصيـده


سلطان العبدالله



شاعرنا الراقي سلطان العبدالله سلمه الله



قصيده تستحق المرور مرارا

رائعه بمعنى الكلمه

لله درررررك

فانت من بيت ادب وشعر وليس بغريب علك الابداع




مليون مليون صح السانك
وعلا شانك


لاعدمناك ياسلطان


تحيتي لك وتقديري