واعذاااااب المولع

[عبير الورد]

.

..

...


ول ياقسي قلبك يوم تبري السهام = وترمي بقوس هجرك قلب من هو شرا
وول يا قو عينك كان تقوا تنام = يوم عيني جفاها في غلاك الكرا
واعذاب المولع من دروب الغرام = جد جرحٍ جديد وسابقه مابرا
ليت لي قلب خبلٍ ماغشاه الهيام = لاهيٍٍ في حياته بالغلا مادرا
كل همه بعمره مشربه والطعام = وان سمع لحن عشقٍ رد صوته سرا
ياخلي المحبه وين ذاك الكلام = ليه عهد الموده تدفنه بالثرا
هيه ماترحم اللي غايته والمرام = شوف زولك ووصلك في حياته ذرا
وين ذيك الليالي ليه راحت حرام = خبّر اللي تعنّا ليه هذا جرا
ياخلي المحبه بعد سقت السلام = خذ جواب المولع واللذي له طرا
الله اللي كتبها عن غرامك فطام = دام هذي فعولك بايعينك ترا




ياسلام عليك
وعلى بوحك العذب
روووعه كلمات راقيه
وسلسه
صح لسانك مليااااارات سلمتي وسلم منطوقك
الجزل