حمامة شوق

[عمر ال شيبي]

الا يا طير لو تدري خيارا = اهج بدنية ٍ ما ابها مزيني
لذيذ النوم من عيني فرارا= بعد مشهات نفسي والحنيني
لفتني ساعة الهوجاس نارا = لفتني عقب ردّات المعيني
حمامة شوق بركان ٍ وثارا = غبار الرمد اول ما يجيني
بداخل وجد من نبضات حارا =حيار الرمش مرسول الدفيني
الين اني خساره في خسارا = الين اني تعيس الحظ عيني
على المكتاب خطيت العبارا = عويت الذيب يتبعني ونيني
اون بقاع واد ٍ ما يزارا = قفار الدوس واد الموت فيني
الين اني خساره في تجارا = صعيبه بيوم كسد ٍ ما تعيني
على الايام مر ٍ في مرارا = عقبها الدّين زايد في مديني
ادب الصوت ما يسمعن ِ جارا = وهيجن كيف يا قهر الهجيني
ف أرض الدار حوشن خال عارا = لباس اليوم مجهم من سنيني
نشوف اليوم حالك في سهارا = وانا ذليت عقب الاربعيني
مدام الناس تاكل بالغمارا = عطاش الجوع كافر من يعيني
على البلوات في زمل ٍغيارا = وهرش الموت مطلوق الاديني
ف روض ٍ ما تعش العير وارا = وفاطر نبذها الاكوار حيني
تخالف وارب ٍ المسيار تارا = فحال العيس بانظار الحنيني
تشوق النفس ايام البكارا = رحبها ايسور مرعاها الهويني
تلاعب حمرة الخلفات شارا = امومة غير مقفاها الحسيني
تشوف احوارها جلد ٍ هجارا = رغاة الصوت دعوات الغويني
رغاها مد في حقد المرارا = تموت وغلّها خلج ٍ حويني