نبع التصافي

[سعيد الغامدي]

مدخل : نحن قوم اعزنا الله بالاسلام فاذا ابتغينا العزة بغيره اذلنا الله .
الغرب أخذ منا أجمل ما عندنا ونحن أخذنا أسوأ ما عنده .
مشكلتنا الأزلية قناعة مثقفينا بالفكر الغربي حتى أصبحوا حربا على دينهم وقيمه وثوابته.



ارحل مع الفكر يا شعري وغذ الشعور = وأستوطن الشعر يا فكري وخلك قوي

خل القلم ينثر العبرات فوق السطور =ويلم شمل الكلام على المقام السوي

حتى لو الأرض بالأحداث فينا تدور = والظلم له داخل أذان الحيارى دوي

لابد نبني للحظات التواصل جسور = ونرجع لنبع التصافي نشرب ونرتوي

صحيح غبنا عن العد العصامي عصور = وخذنا من الغير ما يذوي قيمنا ذوي

نستعذب الراحه ونهوى حياة القصور =ونلوي ذراع الأصالة بالتحضر لوي

غنا ورقص وليالي مترعه بالخمور = ونفوس تحيا على ما ترغب وتهتوي

وأصبح لنا في سما الموضه مقام وحضور = والجهل ذيب ٍ على أنقاض العقول يعوي

ولبس المخصر وطيحني وقص الشعور = وبابا سمح والكلام بدون شك أنثوي

ودعوى تحلل تروم المهزله والسفور = روادها قوم لا تعقل ولا ترعوي

باسم الحضاره خذوا درب التحلل عبور = والغرب مرر لهم تشجيعه المعنوي

صاروا عدا للفضيلة طعنهم بالخصور = وتاريخنا صار منهم بالألم مكتوي

كنا نؤدي على وجه الزمن ألف دور = والناس تحيا لما تطمح وما تنتوي

مضت قرون وعقود ومحتواها شهور =أيامها مشمسة يضوي هداها ضوي

فيها الليالي تعيش بما أحتوته الصدور = قرأن يتلى يدل التايه المغتوي

لله نجاهد ونتنافس لسد الثغور =ونعايش الناس ونقدر مقام الخوي

وتلج بالذكر والتكبير كل النحور =والخيل تطوي مسارات المعارك طوي

تغير الحال والهمه كساها فتور = صرنا كعشب ٍ عقب سيله غثاءً حوي

لابد من صحوةٍ تعيد مجد النمور = ولابد ما تعذرون اللي غدى منطوي

شاعر وفكري على ديني حريص وغيور= يخشى يضيِّع أصول القافية والروي

مخرج :
نحن أمة منصورة وليبلغن الدين مبلغه شاء من شاء وأبى من أبى .

تقبلوا تحيات

أخوكم

سعيد الغامدي

اسيرالطيب