[فن التدبر : قصيدة في القرآن الكريم]

[مبروك بن ماضي]

قـال الـذي أمست به افـكاره إتــدور = في فلك حال اهل السعـد والشقاوه
أحــدٍ هـداه اللهْ الى خــــيـر دســتور = واحـدٍ تـِقلْ غـطت عـيـونه غـشاوه
فلاتـجعـل الـقــرآن يـاصاح مهجـور = إقــرأ ورتــــــل وأرتــقي بالـتـلاوه
وكانك تبي تحيا مدى العمر مسرور = لـ تـفـارق الفـرقـان يـاخُـوك خـاوه
بالحرف لك حسـنه ولك بالذِكـر نور = وتـشـعـر معه لإيمان قـلبك حـلاوه
خـله يـسجّل لـه مع عـقلك حـضور = ويضفي على نفـسك أمان وهـداوه
واعلم بــان فـن الـتـدبـر لـه شـعـور = وإحسـاسٍ آخر0فـيه روح الـنقاوه
وأبـنصحك كانك تبي تسمع الـشـور = الهـم والوســواس بـالـذِكـــر داوه
واحذرتكون انـسان عاصي ومعثور = لن طاعـتـك لإبـليـس أكـبـر غـباوه
لاتـتـبع الـشــيـطان تحـيـا بـديـجـور = ظـــلام0ويـنـاصـــِبْـكْ دوم العـداوه
عساك ياللي تـسـمع النـصح مأجور = يكـفـيـني اللهْ وانـت شـرالعـصاوه!