دنّي دموعك ونا , بآدنّ موالي

[عبدالله الشويمان]

http://up.arab-x.com/dec09/rdq56472.jpg
http://www.alsh3r.com/files/majd_alzyd/146.rm

اضحك وداري همومي كل مابانت=واسج لاضاق صدري فالخلا الخالي
امّا اجوس الوسيعة كل ما شانت=ولا تنادمت لا ضاقت مع دلالي
لاقلت هانت يقول الليل,وش هانت؟=ون قلت سهله يقول القلب .شف حالي
كني محكومن وساعة ذبحته حانت=عزّ النصير وتذكّر ربّه العالي
وجدي على اللي يطول الوقت ما خانت=اوفى من هْمومي الي داحمة بالي
اصونها بالهوى لامنّها صانت=قلبي لها دار ٍ و مدهل ومنزالي
موّنت قلـبي عليها وهي بعد مانت =لين طْعنتي وخلتني على فالي
مدري تغابي او ان قلوبنا رانت =مدري . ولكنّ قلـبي دمدم ٍ بالي
بعيونها كنت كل الكون ,وهي كانت=الكون كلّه ولا اغلى منها غالي
ياوجد حالي على الي كل ما زانت=يردّها الوقت قفر ٍ مشهب اللالي
دام الحياة إن صدقنا فالهوى دانت=دنّي دموعك ونا بادن موّالي
ليت الذلول اللي اقفت فيك ما توانت=لاوالله إلا يا ليت الأرض تنزالي
مدري ردى حظّ ٍ او عدواننا عانت=عين الحسد منّها الجيلان تنهالي
لو اشتكي الهمّ لصخور الهدا لانت=ناره وشبّت بجيب الثّوب والشّالي
اضحك لو إنّ القطيعة بيننا بانت=اخاف لاسكت تجيب العين همّالي

صح السانك يا ابو حمد

قصيده جزله ولا يستغرب منك الجزاله.فانت جزل على طول الخط..

دمت بخير وصحه وسلامه ولا هنت