[ ياليتني كفـّـيت / شري وخيري ]

[محمد عبدالله البدراني]

السلام عليكم ورحمة الله وبركاته


للتواصل لعلها تروق لكم /



تدريّ وش اللي لآع قلبي وهـده ؟ = ذاك الوليف اللي قـسى .. ياعشـيري
أجيـه واهديّ له من الحـُـب [ ورده ] = ويـروح يهديّ .. [ وردتي ] لشخص غيري
أنا اشهد إن القلب قد ضـاع جهده=ماشي على دربـه ، وجـاهل مصيري
إن قلت [ حلـّـه ] زوّد الحبـل عقـده=وإن قلت يبـصر عاد مثل الضريري
ماشاف من يرج الدفا غير [ بـرده ]=من سبـّـته والجرح فيني خطيـري
مافـاد قلبي كثرر نوحـه ووجـده=طير الغلا بآسباب فعلـه ... كسيـري
ماعاد للعاشق على الحُب شده=مجبـور مايـِـكمل معـاه .. المسـيري
ليتي [ رفضت ] القرب من عقب بـُعده=وياليتني كفـّـيت شـري .. وخيـري



شاعرنا العذب عبدالله بن راشد الثويني سلمه الله


الف الف مليون مليون صح السانك

وعلا شانك

قصيدة رائعه ومحكمة المعنى والمبنى

لله دررررررك


ولافض فوووك


تحيتي وتقديري