عاشقة حرف

[حمود السكراني]

لابأس رغم إني خطيت ربعيني=وقفى ربيع لعمر يا بنت عشرين
لابأس اوضح لك حقيقة حنيني=يعاشقه حرفي قبل نظرة لعين
أقري وبشرح لك حصيلة سنيني=حتى اليا منك قريتي اتعرفين
موجز حياتي ماتخطه يديني=من اول ايامي الى وقت هالحين
يابنت عشت بدنيةٍ ماتبيني=دنيا تقلبني على العسر واللين
لامن بغيت الشام لفت يميني=وتردني للشام لارحته يمين
رسم زماني فوق صفح لجبيني=وسم الشقا اللي سم حالي من سنين
د ا يم مخاوي للثريا بعيني=بس عا د هو وين الثريا وانا وين
لي نفس ماترضى بمكان ٍهويني=أز مها ويردها حظي ا لشين
لنلت مقصودي ولوفيت ديني=دينٍ قديمٍ جر دينه بعد دين
وش عاد قولك حبكم محتويني=أقفى بقلبي يمكم مسهر العين
يابعدها يابنت بينك وبيني=ممشى مسافة في لقاء ضم جيلين
ولاالمسار بسكة العاشقيني=دربٍ مشيته دون لاطاه بالشين
يابنت لي قلبٍ بحبه سجيني=حب الولع ماهو بحب المجانين
والله مفارق شوفها طرف عيني=رغم أنها أقفت مع ليالي مقفين
مازلت ابيها مثل ماهي تبيني=حبٍ قديمٍ مستكن بصغيرين
رغم السفر مع سكة الميسيني=وكلٍ بداله بحياته محبين
يبقى الوفا له وسط قلبي رهيني=غلاه باقي ماعلى الأرض باقين
والله ماخطيت حرف بيميني=الا عرض له يبتسم بين قوسين
يابنت يظهرلك بخلقه ضنيني=أما انا ويني وطرد الهوى وين