نزيف الجرح

[عيدالماجد]

نعود بعد الغياب بهذه القصيده تمنياتي ان تنال الاستحسان والرضا اخوكم عيد الماجد


نزيف الجرح يجبرني اغادر عن محطاتك = وانسى ذكريات الامس وابدا من جديد اليوم
واطاوع نفسي اللي كم شكت من كثر غلطاتك = وقلبي اللي رفض انه يعيش بغربتك محروم
صحيح اني احبك موت وصحيح احب بسماتك =ولكن وينها البسمه مادام ان الجفا محتوم
عيونك سرها مفضوح عرفته من نظراتك= تخبينه صعب يابنت اعرف ان الهوا مقسوم
بدون احراج خبريني ماحب اسمعها اهاتك= دقيقه وينتهي كل شي ولا كل العمر مصدوم
مثل ماكنتي بالاول صريحه بكل كلماتك = تقولي كلمتك عمرك ماخفتي من البشر واللوم
اذا في دنيتك ثاني يشاركني بهمساتك= واذا انتي اقتنعتي به وصار الامر ذا محسوم
بخبي دمعتي بعيني عسى الله يجمل اوقاتك= تعيشي في فرح دايم سعيده ياحياتي دوم