دمع الحبايب

[سلطان العبدالله]

http://www.fatahilah.com/up/stamp01.gif

السلام عليكم ورحمة الله وبركاته
أخواني وأخواتي في هذا الصرح الشامخ أسعد الله جميع أوقاتكم بالخير والمسرات
ولمواصلة التواصل معكم أضع بين أيديكم هذه الأبيات المتواضعة
آملا أن تحوز على الرضى والقبول


ياعين هلي دمعك اليـوم ياعيـن =هلي دموع مثـل وبـل الغمامـا
هلي دموعك والسبب فقد غاليـن =خلي دموعك فوق خـدي تهامـا
واليا عذلوك اللي من الحب سالين =لا تتبعيـن لهرجهـم والمـلامـا
قولي لهم ماانتم عن الوضع دارين =اللـي بنيتـه راح كلـه هدامـا
خلوني ابكي مثل باقي المحبيـن =دمع الحبايب غير دمـع اليتامـا
والحب مردوده على صاحبه شين = ياما سمعنا من قصصهم وياما
واللي وفو بالحب سمـو مجانيـن =لو إنهـم بالفعـل فعـلا نشامـا
قيس على ليلى شكى الضيم والبين =وعنتر على عبله ذبحـه الهيامـا
وقيس وعنتر ياجماعه مساكيـن =ماشافو اللي شفت حرمن حرامـا
لامعرفوا سيد العذارى المزاييـن =اللي جماله فوق وصفـه تسامـا
ولوكان نمر حي يانـاس للحيـن =ووضحى على ذمته إن كان شاما
ثم بتهـا وحـده رديفـه لثنتيـن =واقسم بأن البيض عقبـه حرامـا
خلي جماله يخلف العقل والديـن = نسايل المولـى العفـو والسلامـا