حبشش...علــي بالطــلاق انــه ينــومسنــي

[سالم محمد اليامي]

مساكم حظور
وصباحكم شعر





بسم الله الرحمن الرحيم
السلام عليكم ورحمة الله وبركاته



وين أنت ياوادي العشّاق والرقّه=بنهل حروفٍ جميله ماتعاكسني
تمشي على حسب تفكيري وبالدقّه=كن الشعر قال فهمني ودرسني
وطرقت باب القصيد بنفس مندقّه=في ليل برده يروعني وقارسني
للي غلاته وحبه زايدٍ حقّه=من اخمص الرجل لين الراس تارسني
ممشوقه الطول ذات العود ممشقّه=ذات القوام اللذي بالحيل يهوسني
واللي من النور والبنور مشتقّه=مخلوق نادر عن العالم موسوسني
اطرق جماله يشق الكون ويشقّه=والموت حبه تلبسني ولابسني
تفتر في داخل الشريان وتعُقّه=وفي وسط دمي يلاعبني وحارسني
واقول خلوه من كيفه ومن حقّه=يأمر وينهى واذا وده يفارسني
لنّه مع القلب في الدقّه وبالدقّه=متواجدٍ وسط خفاقي يحمسني
ولنّه سواليف عشقٍ فوق مرتقّه=من فوق كل البشر محدٍ ينافسني
كتلة وفاء والغلا زايد ومتنقّه=لبيه كلك وكلك ياملامسني
يكفي بأني وسط قلبه وفي شقّه=بين الحنايا موزعني وغارسني
ولا سلب عقل شاعركم ولا بقّه=الا غيابه واذا عصب يلاسني
يعني غيابه يخرش الكبد ويطقّه=وتعصيبته غيرته يبغى يحسسني
فيها صفات البرائه طفله ولُقّه=بالشعر والحب امارسها تمارسني
لاعضت شفاتها ثم قامت تمقّه=كنها رضيعٍ يُمق الثدي بالسني
ولو شافها الشيخ ابو لحيه ومتفقّه=ضاعت علومه وقال الله يحرسني
لا ياعبيد خذ الخفاق قم هقّه=قله غيابه تراه اقشر وحايسني
في غيبته عبرتي بالحلق وتشقّه=والصدر ضيّق على أنفاسي وحابسني
ياكبريائي وكل الناس يانقّه=من حبك الصادق الله لا يفلسني
وياغطرست شاعرٍ قافه على أقّه=والعجز جابه على شانك على اسني
هذا خفوقي معك قم فز ثم سقّه=واسمع شطر بيت ثابت ويتنفسني
افهم كلامي وبالتحديد والدقّه=حبك على بالحرام انه ينومسني

وسلامتكم
سالم اليامي