أبي لي من ينادمني

[الخنساء]

أبي لي من ينادمني على فنجـان بـن وكيـف
على ربوة رمل فـي ليلـة ن بيضـا وقمّـاري
ابنثر ما لجا في الصـدر وهمومـي بلاتكليـف
لعله وان تعب سمعه أناجـي نجمـي السـاري
ألاياهمي الساكن ورا ماصـرت مثـل الضيـف
تحـط وترتحـل مـا ابيـك لاخلـي ولاجـاري
غرابيل الزمان ان جت تجي يمّـي بلاتسويـف
علـى غفلـه تداهمنـي بلاميعـاد واجـبـاري
لها موج ن تقول.. جبال ـوا..بعد البلد والسيف
ولاني ماهـر وسبّـاح ميـر الله هـو الـذاري
الا ياليت لي قلبن صليبن ما هتـرى ورهيـف
مطنش ماحسب حسبـه ولاهـو بالعـرب داري
ينـام وينتبـه ماهمّـه المدخـال والتصريـف
ولاهمّه شراع الجيلبـوت اوكَسْـرة الصـاري
سألتك يالهموم ان كان لك خيره تخلي الحيـف
ترا قسمك علينا جور منك الظلـم لـي جـاري
وانا ماقلت ياهمـي ابيـك تمـر مـر الطيـف
ولكن صر خفيف الظـل دارك ماهـي بـداري
الى جانا الشتا قلنا يقولون الفرج فـي الصيـف
يمر الصيف وتمـر السنيـن وطيفـك يبـاري
تعبت اليوم ياهمـي ولاعـاد اقـدر التحريـف
على وجهي بدت كل الوسوم ومـا اقـدر اداري
فرح في العدو وعاذلـي لومـه غـدا تعنيـف
وانا ياهم مـن ثقلـك قعـدت آكسـر عبـاري
وانا ما احب كثر البلبلـه ولااعشـق التزييـف
ولااحب ان أجي في موطن ن ويقـل مقـداري
احب الناس واطرب للصغير وللضعيف آحيـف
ولالي برج واشوف البشر من فـوق وامـاري
صح لسانك مليون ولايكفوووون

جزلة تجبرنى للعوووووده