اليل عتم ؟

[عمر ال شيبي]

السلام عليكم ..

قصيده اتمنى تنال اعجابكم .







الليل عتٌم والحراريس جمٌه = والقلب يوجس من طعونه بلاوي

كنٌي كسير ٍ مالقا من يزمٌه = والا كفيف ٍ بالخلا سار داوي

لا دك هوجاس الفكر ساق همٌه = وليا تراكم بالحشا ما يداوي

واليوم داكوك الحزن مستشمٌه = ثارت على من مخلفٍ للهقاوي

الي بحزٌات الصعيبات رمٌه = يقفي كما كلب ٍ مقفٌي يعاوي

يوم الرخا يقبل براسه معمٌه = كنه شبيه ٍ بالشجاعه نداوي

والي غدا فكره ينوش المطمٌه = يم الدنيٌه سار وابليس قاوي

يتبع هوا نفسه وذنبه يتمٌه = والهيس من خلفه يجرٌ الغناوي

والي لسانه ما يصونه يذمٌه = همٌاز لمٌاز ٍ وللناس كاوي

لا حكى بهتان والا منمٌه = طامس علوم ٍ نورها شاع ضاوي

وسلامتكم .....

الاوله يا هلا ورحب غالي من غالي

والثانيه

صح لسانك روعه وممتعه بما فيها من منطوق
وقاف طيب من طيب لا هنت