لا شفت لك شاعر يهايط اغنية فهد

[الطائر المهاجر]

بعد انقطاع لا ادري متى استمر ، اليكم هذه الكيبورديه
لعلها تصل إلى ذائقتكم
اغنية الفنانى فهد
http://up.ftahilah.com/up/uploads/mysongs/3jraFd.rm

لا شفت لك شاعر يهايـط فكبـه=تراه مفلس من جميـع النواحـي
بياع هرج ولـو تمـادى بسبـه=مايقدر ملاقـاة اهـل الرماحـي
يطافش ببحر "النت" يجهل لغبّـه=يحسبه وامن لا كتب للنضاحـي
ولا من تغزل مـا تفكـر بربـه=شعره مجونٍ في ذوات الوشاحي
كل ما يبي يطلع ولو فـوق تبـه=شعور نقصٍ داهمـه باجتاحـي
هالعينـه ودك بعـجـرا تلـبـه=اما عطب وإلاّ رجع عقل صاحـي
فالشعر ماهو من تساهل لعب به=الشعر مثل السيف وقت الصياحي
لا شاله اللي جاهـلٍ فـي متبـه=ان هو رجع سالم فكله جراحـي
ما كل من قال الشعـر زاد حبـه=بعض الشعر يُنْقِص ولا به رباحي
ومن قال شعره شان يملا لعبـه=ويسايـر التيـار والإنبطـاحـي
فهذا حياته لـو تشعلـل مشبـه=ياسرع ما تطفى بفعل الرياحـي
فاختر من الاشعار ما زان صبـه=له نكهة مـا تنتهـي بالرواحـي
يبقى مـع الأيـام قصـرٍ بقبـه=يشوفها من تاه وقـت الطياحـي
يلقى بها ظـل ودفـئ ومحبـه=ويلقى بها علم السعد والفلاحـي