رساله الى المقام السامي

[نايف الثبيتي]

صباح/مساء الخير


قصيده جديده من هاوي الى

مبتدء ومحترف وهاوي للشعر
ياسـلام الله عليكـم واثني الرديه=
والتحيـه بالسـلام تقـال بالاسـلامـي
جيتكم عندي على وزن الشعـر مرثيـه=
وادي اقراها وابلغهـا المقـام السامـي
يمكن تكّون بسرعـه لجنـت(ن) جديـه=
تدرس الاوضاع وتصنف لنـا الاقلامـي
ضاقت الساحه من المسموع والمقريـه=
والشعر غرب وشمال وشـرق للدمامـي
بعض مضمونه يجي بالضبط ميـه ميـه=
لومدح يوفي وهجـوه بالكـلام الحامـي
وان تغزل وصـف الغـزلان بالمحميـه=
يرسم المشهد ويلغي ريشـة الرسامـي
مثل هذا لومدحتـه جعـل نـاره حيـه=
مايلومك فيه ناقـد وان سكـت مالامـي
والقصايد بعضها تقـرا وهـي منسيـه=
تنقرا مره وترسـل ساحـة الاعدامـي
لـو تعـدل وش تعـدل كلهـا ملـويـه=
وان نقدت ابشر بطلقه من يدين الرامي
وان زهمته قلت شفها قال ماهـي هيـه=
دام تنقد فالسكوت يصير شـي الزامـي
الطبيب يقـول عنـدك مشكلـه جلديـه=
وانت راسك عارضه للمشرط الحجامـي
ياهـواة الشعـر كـل احلامنـا ورديـه=
دام نستعجل نبي ندخل صراع(ن)دامـي
الف خطوه تبتـدي بالخطـوه الفرديـه=
واحسب احسب كم مشيت وجود الارقامي