اسلك بدك ؟؟

[سعيد الغامدي]

يا صاحبي وأعمالنا محصيه= أرجوك لا تخلف صدوق النيه

اسلك يدك في جيبك وخرِّجها =وأعرف تراها خارجه بنيه

وارم العصا ولا تهون أحملها =لا أنته ترى موسى ولا هي حيه

ولا تقابلني بوجه ٍ بارد = وتضيع فيك الهقوه المهقيه

قابل وصارحني ولا تجفاني = ولا تخلي علتك مخفيه

ترى الحقيقه وجهها متجلي =تظل بوجيه الوفاء محميه

وقلوبنا من طبعها تتقلب = وارواحنا باجسادنا عاريه

ما ضيعتني لهجتي من طيبي = ولا ميزتْك اللهجه النجديه

هذا الجنوب اللي حموه رجاله = وهذيك نجد اللي تصد الهيه

والفرق فيما بيني وما بينك = إني أشوفك خي يشبه خيه

وأنته تشوف إنك وحيد بزيك =تهوى الجفا وتكره الحنيه

وحنا ترنا نسل حوا وادم = طباعنا بوجيهنا مقريه

خلك على طبعك وأنا لي طبعي=ما عاد تفرق روحتك والجيه

اللي يميزنا العمل والتقوى = لا عرق لا مذهب ولا قوميه

والعلم كل الناس به تتساوى = ماله جواز ولا حمل جنسيه

والشعر ما هو سلعة ٍ تعرضها = ولا هو بضاعه بالثمن مشريه

الشعر شعري وراثه من جدي = ولا سقتني مثلك الجنيه

سمو شعري من سمو جبالي =الراسخات العاليات الحيه

اللي تنافس للسحاب العالي = وتكسي تهامه بالمهابه فيه

نهوى القمم لاجل إنها تهوانا = ونعشق نبات القهوه البريه

لاجل إنها في دمنا تجري به= ولضيفنا نصبها منقيه

نعيش بالطيبه ولا نتخلى = عن الخوي وحاجته مقضيه

ولا نغمط حقوقه ولا نهظمها= ولا نقابل حسنته بالسيه

راجع حسابتك وصحح وضعك = وخل نفسك راضيه مرضيه

لا تأخذك بالاثم عزة نفسك =ولا تنجرف لاحلامك الورديه

اخرج يدك من جيبك وصافحني = وحط يدَّكْ بالوفا بايديه





تقبلوا تحياتي

سعيد الغامدي