طرد المقفي ..!

[سلطان العطاوي]

طرد المقفي عيب والنابيه عيب = هذا الكلآم اللي حفظته من أبوي
عودٍ من الدنيا غزى راسه الشيب = ومصافق الأيام والعك واللوي
أخذ من أصناف العنا والتجاريب = وشوته غبرات الزمن والزمن شوي
ما قال غير الله يا معز يا مجيب = ولا هوى خلف الردى وأهله هوي
صآن الأمانه وأرفعته المواجيب = وأغلى الكريم وعدل المايل الغوي
واليوم أنا اشرب من زلال المشاريب = تجاربٍ يحوي مداها الصدر حوي
أخذت منها ما يسد العذاريب = وأغليتها وأنا من اسبابها روي