وجدي وجود اللي

[عمر ال شيبي]

هده القصيده قديمه مجاراه لي قصيده قديمه
للشاعر المبدع علي سعود العازمي علها تنال اعجابكم


الشعر له مبدا ومعنا وتلحين=
وليا فتلت الشعر لازم تفله=
البارحه ممسيت والناس غافين=
قامت هواجيس لقلبي تتله=
العازمي هيضني بقافه الزين=
ياشاعرن شعره نفا كله زله=
نسل الرجال اللي جدوده عريبين=
والنعم فيه ونعم في لابتله=
ان جيتهم بالشر حصلت شرين=
ون جيتهم بالطيب جابوه كله=
ونا مالومه لو شكى بعد غالين=
قبله وبعده من شكى بعد خله=
وجدي وجود اللي شرا الهاف بالدين=
يوم الليالي بالعنا عوكسله =
يوم الونيت ابكيلوه عد الالفين=
ركبله اللي قبل ماركبله=
ركب على حوضه حناياه شبرين=
وخزان مع شد البلد ضايفله=
هافن جديد وقيمته كلها دين=
مضمون فوقه ختمت شركتله=
خطط على تسديدت الهاف بعدين=
وباقي اديونه لانتهت رحلتله=
حده على فعله ردا حظه الشين=
مقسوم له واللي حصل قسمتله=
واللي خلافه زوجتله وبنتين=
وحرك وعينه تلتفت لا هلله=
حمل على هافه من الحمل طنين=
من كل ممنوعن خلط حملتله=
عمالها خمسه وحزامها اثنين=
وسلمهم اللي كلفت شحنتله=
من عند ناسن لازم الدفع هالحين=
لازم يسدد مبلغ الحمل كله=
وضرب غياب الشمس من بين حدين=
متذير وخايف وعانقه ذله=
حدن تعداه وبقا حد صعبين=
خايف ومنهم صار بالقلب عله=
يوم انتنه هداء وللعين بالعين=
اربع جموسن بالطريق اوقفله=
في لحظتن مايدري الدرب من وين=
على الطريق اللي نوى خططله=
حدر الظلام وعشقه نمره بحين=
قال انتهض لو اخسر العمر كله=
في ثالثه ممشاه ميه وعشرين=
لين انتهض عن الوطا مقدمله=
وتلاوعوه اللي على الطرد ضارين=
اربع جموسن مع طريقه عطله=
جمسين بيساره وبيمين جمسين=
وبالنار عطبات اللهب جهزله=
وصار الرمي قدام ويسار ويمين=
يشوف مخباط الطلق بعد ظله=
بغا السلامه وعطبوه الذريفين=
الكل منهم بالرمي حافظله=
وبنشر معه قدام كل الكفرين=
وكلن عليه اموجهن بندقله=
واخر ندا لدريوله رفعت ايدين=
وستلموا المذكور دقه وجله=
عليك ياغرون نفل بالمزايين=
راع اشقرن من فوق متنه يهله=
العود عود الموز وسط البساتين=
ميه قراح وصاحبه مرهيله=
اسمه بحرف العين ماله عناوين=
اسير نون مقابله مانمله=
بنت الرجال الطيبين العزيزين=
اللي لهم بالطيب سورن وفله=
على العهد باقي معه دوم باقين=
على العهد باقي ونا مخلصله=

نايض محمد الرشيدي

سلمت وبيض الله وجهك يا جزل القول

وصح لسانك ملايين