واشوف ليلك ياهـوي البـال جنـا=تعال نسقـي

[حرف وشعر]

حنا الهوي والـود والشـوق حنـا=وكن الهوي من قبلنا ماعرف حـد
حنا نحـن يامهجتـي كيـف كنـا=مجموعها واحد وانـا اقولهـا جـد
واشوف ليلك ياهـوي البـال جنـا=تعال نسقـي زهـرة الـود بالـود
كفـي بكفـك والـولـه ماتمـنـا=يامير وصلك لي طغي الشوق وامتد
واشـم كفـا بالزجنـجـل تحـنـا=واضم نحرا والثـم الكـف والخـد
واطل عينك والخجل بـك تجنـا=اثمر بخدك وانغمس احمـر الـورد
واعزفـك لحنـا وانشـدك وأتغنـا=يابدر ليلي لي جني الليل وسود
وانام واصحي بيـن خصـر تثنـا=الين مـن الديبـاج يانايف القد
يامن يلوم اللي من الشـوق جنـا=وماخاض بحرا به من الجزر والمـد
احلـم فديتـك لاتـلـوم المعـنـا=حتي تذوق الود والهجر والصـد
وتعـل ليعـات العشاشيـق عـنـا=وتروح فـي درب الغناديـر وتـرد
وتعود تعـذر صاحـب الـود منـا=والعـذر مالـه بـد منـك ولابـد